shot_edited.jpg

Vacuna Nobo

1. Bo tabata sa cu e vacuna nobo contra COVID-19 cu a wordo aproba pa Union Europeo y Merca ta un vacuna RNA?

Moderna:

Active ingredient

  • mRNA (Nucleoside-modified mRNA encoding the viral spike (S) glycoprotein of SARS-CoV-2

 

Lipids

  • Polyethylene glycol (PEG) 2000 dimyristoyl glycerol (DMG)

  • 1,2-distearoyl-sn-glycero-3-phosphocholine

  • Cholesterol

  • SM-102 (Proprietary to Moderna)

 

Salts

  • Thromethamine

  • Thomethamine hydrocholoride

  • Acetic acid

  • Sodium Acetate

 

Other

  • Sucrose

 

NO ta contene:

• Producto di webo

• Preservativo/conservantenan

• Latex

Pfizer:

Active Ingredient​

  • nucleoside-modified messenger RNA (modRNA) encoding the viral spike glycoprotein (S) of SARS-CoV-2

 

Lipids

  • (4-hydroxybutyl)azanediyl)bis(hexane-6,1-diyl)bis (ALC-3015)
  • (2- hexyldecanoate),2-[(polyethylene glycol)-2000]-N,N-ditetradecylacetamide (ALC-0159)

  • 1,2-distearoyl-snglycero-3-phosphocholine (DPSC)

  • cholesterol

 

Salts

  • potassium chloride
  • monobasic potassium phosphate

  • sodium chloride

  • basic sodium phosphate dihydrate 

 

Other

  • sucrose

 

NO ta contene:

• Producto di webo

• Preservativo/conservantenan

• Latex

  • E dos vacunanan cu a wordo aproba pa e Agencia Europeo di Medicina (AEM) ta di e companianan Pfizer y Moderna. Ambos compania a desaroya un vacuna RNA (Ribonucleic Acid). Den e vacuna aki tin un code (mRNA) pa asina traha un pida masha chiquito di e coronavirus: e “spike protein”. Na momento cu nos hanja e vacuna aki, nos celulanan ta tuma e code (mRNA) aki pa asina traha e “spike protein” aki. Siguintemente nos sistema immunologico ta reconoce e “spike protein” como un particula cu no ta pertenece na e curpa y ta bay traha anticurpa. Si despues bo bin den contacto cu virus cu ta causa COVID-19, lo bo wordo protehi pa e anticurpanan aki. E vacuna lo wordo kibra den un proceso natural metabolico di bo cel. E mRNA no por drenta den bo DNA (Deoxyribonucleic Acid) pues no por jega na dje ni tampoco hasi cambio den bo DNA.

 

2. Bo tabata sa kiko ta e ingredientenan cu ta bin den vacuna RNA?


 

3. Bo tabata sa con efectivo e vacuna contra COVID-19 ta?

  • Ambos vacuna aproba door di Agencia Europeo di Medicina (AEM) ta mustra den test di ta ongeveer 95% effectivo. Esaki kiermen cu den grupo di hende nan cu a wordo vacuna tin 95% menos hende cu a hanja e malesa di COVID-19 versus esnan cu no a hanja e vacuna. Esnan cu toch a bira malo apesar cu nan a hanja vacuna a bira menos malo cu esnan cu no a hanja e vacuna.

 

4. Bo tabata sa cuanto biaha bo mester vacuna pa ta protehi contra COVID-19?

  • E vacuna contra COVID-19 mester pasa den 2 tanda cu un intervalo di 6 siman. Pues na momento cu bo disidi di tuma vacuna, ta wordo recomenda un serie di 2 hangua.

 

5. Bo tabata sa cuanto participante tabata tin den e testnan di vacuna Pfizer?

  • Tabata 43,548 participante mas grandi cu 16 aña. Cual mas o menos mita a hanja e vacuna y e otro mita a hanja placebo. E participantenan a ricibi 2 hangua den un periodo di 21 dia.

 

6. Bo tabata sa cuanto hende a bira malo den e test nan di vacuna Pfizer?

  • Di e 170 personan cu a bira malo cu COVID-19, solamente 8 tabata den e grupo cu a ricibi e vacuna y 162 tabata den e grupo cu a ricibi e placebo.

 

7. Bo tabata sa cu e vacuna tambe por juda pa baha e severidad di COVID-19?

  • Di e 10 personan cu a bira hopi malo cu COVID-19 den e testnan di e vacuna Pfizer, 9 persona tabata di e grupo placebo y solamente 1 tabata di e grupo vacuna.

 

8. Bo tabata sa cu apesar bo a ricibi e vacuna contra COVID-19 y bo tabata den contacto cu un persona positivo toch bo tin cu drenta den cuarentena?

  • Personanan cu a wordo vacuna mester drenta den cuarentena si nan tabata den contacto cu un persona positivo. Den e testnan e vacuna a mustra di ta por lo menos 90% pero ainda nos no ta sigur di e 10%. Tambe no ta cla con largo e vacuna ta keda activo. Pesey ta importante pa un persona drenta cuarentena apesar cu ta vacuna caba na momento cu e ta den contacto cu un persona positivo.

 

9. Bo tabata sa cu e vacuna no tin influencia riba PCR test of Test di anticuerpo?

  • E vacuna contra COVID-19 no tin influencia e test pa detecta e coronavirus den un persona.

 

10. Bo tabata sa cu ta mihor bo tuma vacuna di e mesun marca?

  • Den niun di e testnan riba vacuna a wordo hasi testnan den combination cu differente marca. Pues nos no sa e effectonan di combina vacuna cu otro, pa es motibo ta e mihor practica pa suministra vacuna di mesun marca.

 

11. Bo tabata sa cu si bo ta sinti keintura of griep bo no por bay vacuna?

  • Si bo ta sinti sintoma paresido na COVID-19 bo lo mester keda cas y test pa corona-19. No ta posibel pa acudi na e contronan di vacuna. Si bo a registra pa un cita caba, cancela esaki y hasi un cita nobo.

 

12. Bo tabata sa cu si bo tin COVID-19 bo no por vacuna?

  • Si bo tin COVID-19 ta obligatorio pa ta den isolation, consecuentemente no por sali for di isolacion pa tuma vacuna. Te despues di 4 siman di e prome sintoma por tuma e vacuna y no prome cu bo sali di isolacion.

 

13. Bo tabata sa cu mayoria remedi no ta duna effecto adverso den combination cu e vacuna?

  • Mayoria di remedi lo no tin influencia riba e vacuna. Sigur tin algun exception manera algun “bloedverdunners” of medicamento cu ta affecta bo sistema di defensa. Pesey ta importante pa consulta cu bo dokter di cas over remedinan cu bo ta tuma y e vacuna. Informa bo dokter di cas cu bo a tuma vacuna recientemente na momento cu e perscribi bo un of otro remedi, asina e tuma esaki na cuenta.

 

14. Bo tabata sa cu bo por sigui duna lechi di mama si bo a wordo vacuna?

  • No tin ningun indicacion cu e vacuna ta drenta den e lechi di mama y via e lechi pecho jega na e baby.

 

15. Bo tabata sa cu tin estudionan riba uso di mRNA como vacuna desde 1994?

  • E prome estudio (Zhou & Berglund, 1994) cu ta mustra cu mRNA por wordo usa como vacuna a sali na 1994. Na 2005 (Kariko & Weisman, 2005) a publica un estudio unda e scientificonan a resolve e pregunta “Con pa hanja mRNA den e celula sin cu ta crea un reaction adverso di e systema immunologico?”. Estudio aki a wordo mira como un estudio revolucionario den mundo di vacuna.

 

16. Bo tabata sa cu mester di freezer special pa warda e vacuna contra COVID-19?

  • Den preparacion pa ricibi e vacunanan DVG a planifica, organisa y controla tur proceso di logistica, distribucion, entrega y wardamento di e vacuna. Pa warda e vacuna pa asina e mantene su effectividad y no degrada, DVG a buska freezernan special cu por mantene un temperatura constante di -80⁰ C.

17. Bo tabata sa cu e vacuna contra COVID-19 no lo wordo suministra na mucha mas jong cu 18 aña?

  • Vacuna contra COVID-19 lo wordo suministra solamente pa adultonan 18+.

 

18. Bo tabata sa cu e vacuna mRNA no ta contene producto deriva di webo?

  • Webonan ta wordo usa den e produccion massal di virusnan pa cierto tipo di vacuna. E virus ta wordo cultiva den e webo, durante e produccion di vacuna. Den proceso di obtene e vacuna tin semper un posibilidad cu untiki protein of componentenan di e webo por pasa den e vacuna y cu por causa reaccion alergico pa esnan cu ta alergico na productonan di webo. Esaki no ta e caso cu e vacuna di Pfizer y Moderna, paso tur dos ta vacuna sintetico y no ta requeri webo.


19. Bo tabata sa cuanto hende a participa den e estudio di Moderna?

  • Den e estudio di e vacuna di Moderna 15,168 hende a hanja atleast un dosis di e vacuna contra COVID-19 y 15,155 a hanja un dosis di e placebo.

 

20. Bo tabata sa cuanto hende a hanja COVID-19 den e estudio di Moderna despues cu a ricibi dos dosis di e vacuna?

  • Di tur e participantenan den e estudio di Moderna, 11 di esnan cu a tuma vacuna y 185 den e grupo di placebo a haña sintoma leve di COVID-19. Di tur e participantenan den estudio di Moderna, 0 di esnan cu a tuma vacuna y 30 di e grupo placebo a haña sintoma severo di COVID-19.

official-white.png
DVG-Logo-stroke.png

Si un hende of bo persona ta sinti malo, NO sali for di cas.

Pero yama bo dokter di cas pa haci un test.

logo-gob-dvg.png