bg.jpg

Vacuna FAQ

Papiamento

Preguntanan frecuentemente haci encuanto Vacuna Pfizer

1. Con un vacuna ta traha?


  • E vacunanan contra COVID-19 ta yuda nos curpa pa desaroya nos sistema di inmunidad contra e virus cu ta causa COVID-19 sin cu nos mester haya e malesa. Diferente sorto di vacuna ta traha di diferente forma pa duna proteccion, pero cu tur e sortonan di vacuna nos curpa ta keda cu un deposito/suministro di “memoria” tanto di T-lymfocyten como cu di B-lymfocyten cu lo corda con nan mester combati e virus den futuro.
  • Despues di ricibi e vacuna, ta tuma e curpa un par di siman pa e produci tanto T-lymfocyten como e B-lymfocyten. Pesey ta posibel pa un persona infecta cu e virus cu ta causa COVID-19 net prome of net despues di tuma e vacuna y despues di esey bira malo, pasobra e vacuna no a haya suficiente tempo pa provee/duna proteccion.
  • Tin biaha despues di e vacuna, e proceso di lanta e sistema di inmunidad por causa sintomanan, manera keintura. E sintomanan aki ta normal y ta un señal cu e curpa ta aumentando e sistema di inmunidad.




2. Cua ta e tiponan di vacuna di COVID-19?


  • Actualmente, tin tres tipo di vacuna cardinal di COVID-19 cu a completa e Fase 3 y a ser aproba caba despues di tur test. Adhunto un discripcion con cada tipo di vacuna ta pusha/inspira nos curpa pa reconoce y proteha nos di e virus cu ta causa COVID-19. Ningun di e vacunanan aki por duna bo COVID-19.
  • Vacunanan mRNA ta contene material di e virus cu ta causa COVID-19 y cu ta duna nos celulanan instruccion con pa produci un proteina inofensivo cu ta unico y diferente pa e virus. Despues cu nos celulanan a traha copianan di e proteina aki, nan ta destrui e material genetico di e vacuna. Nos curpa ta reconoce cu e proteina aki no mester tey y lo produci e T-lymfocyten y e B-lymfocyten cu lo corda con pa combati e virus den futuro, cu ta causa COVID-19 si nos lo ta infecta.
  • Vacunanan di proteina subunit tin den d’je pidanan di proteina inofensivo di e virus cu ta causa COVID-19, enbes di henter e bacteria. Unabes cu bo a vacuna, bo sistema di inmunidad ta reconoce cu e proteina nan ey no ta pertenece den bo curpa y ta cuminsa traha T-lymphocytes y anticuerponan. Si un dia den futuro nos keda infecta, e celulanan di memoria lo reconoce y lo combati e virus.
  • Vacunanan Vector ta contene un version debil di e virus “bibo”- un virus diferente cu esun cu ta causa COVID-19. Cu tin den d’je un material genetico di e virus cu ta causa COVID-19 (esaki ta ser yama un vector viral). Unabes cu e vector viral ta den e celulanan, e material genetico ta duna e celulanan instruccion pa traha un proteina cu ta unico den su sorto pa e virus cu ta causa COVID-19. Instantaneamente esaki ta pone nos curpa traha lymfocyten y B-lymfocyten cu lo corda con pa conbati e virus ey si den un futuro nos keda infecta.




3. Cua ta e vacunanan autoriza y aproba mundialmente?


  1. NOMBER: BNT162b2
    Tipo di Vacuna: vacuna a base di mRNA
    Fabricantenan primaria: Pfizer, BioNTech, Fosun,Paharma
    Pais di Origen: Multinacional
    Autorizacion y aprobacion: UK, Bahrain, Canada, Mexico,US, Singapore, Oman, Saudi Arabia, Kuwait, EU
  2. NOMBER: Mrna-1273
    Tipo di Vacuna: vacuna a base di mRNA
    Fabricantenan primaria: Moderna, BARDA, NIAID
    Pais di Origen: USA
    Autorizacion y aprobacion: USA, Canada
  3. NOMBER: CoronaVac
    Tipo di Vacuna: Vacuna NO ACTIVA (formalin cu alum adjuvant)
    Fabricantenan primaria: Sinovac
    Pais di Origen: China
    Autorizacion y aprobacion: China
  4. NOMBER: Ningun nomber anuncia
    Tipo di Vacuna: Vacuna NO ACTIVA
    Fabricantenan primaria: Wuhan Institute of Biological Products,China National Pharmaceutical Group (Sinopharm)
    Pais di Origen: China
    Autorizacion y aprobacion: China
  5. NOMBER: Sputnik V
    Tipo di Vacuna: Vacuna Viral Vector NO-REPLICABEL
    Fabricantenan primaria: Gamaleya Research Institute,Acellena Contract Drug Research and Development
    Pais di Origen: Rusia
    Autorizacion y aprobacion: Rusia
  6. NOMBER: BBIBP-CorV
    Tipo di Vacuna: Vacuna NO ACTIVA
    Fabricantenan primaria: Beijing Institute of Biological Products, China National Pharmaceutical Group (Sinopharm)
    Pais di Origen: China
    Autorizacion y aprobacion: China y Saudi Arabia
  7. NOMBER: EpiVacCorona
    Tipo di Vacuna: Vacuna Peptide
    Fabricantenan primaria: Federal Budgetary Research Institution State Research Center of Virology and Biotechnology
    Pais di Origen: Rusia
    Autorizacion y aprobacion: Rusia




4. Con e vacuna di Pfizer (Comirnaty) ta ser aplica?


  • Comirnaty ta wordo suministra cu dos hangua/injeccion, normalmente den e musculo di e brasa parti ariba , al menos 21 dia for di otro.
  • Areglonan pa e suministro di e vacuna lo ta e responsabilidad di autoridadnan Nacional. Pa mas informacion con pa uza e vacuna, lesa e instruccion riba e paki of consulta cu un Profesional den Cuido di Salud.




5. Con e vacuna ta traha?


  • E vacuna ta traha door di prepara e curpa pa defende su mes contra COVID-19. E ta contene un molecule yama mRNA cu ta duna instruccion pa traha e proteina spike. Esaki ta un proteina riba e superficie di e SARS-CoV-2 unda cu e virus mester drenta den e celulanan di nos curpa.
  • Ora cu e persona a haya e vacuna, algun di e celulanan lo compronde of scan e instruccionnan di mRNA y temporalmente produci e proteina spike. E ora e persona su sistema di inmunidad lo reconoce e proteina aki como desconoci y lo produci anticurpanan y activa e T celnan(blanco den sanger)pa ataca.
  • Si, mas despues, e persona aki bini den contacto cu e virus di SARS-CoV-2, su sistema di inmunidad lo reconoc’e y lo ta cla pa defende e curpa contra d’je.
  • E mRNA di e vacuna no ta permanece den e curpa pero ta wordo kibra den diferente pida y elimina, despues di un rato di a haya e vacuna.




6. Cua ta e Beneficionan di e vacuna di Pfizer cu a ser demostra den e estudio?


  • Un experimento hopi grandi a mustra cu e vacuna tawata efectivo den preveni personanan di 16 aña pariba, di haya COVID-19.
  • E experimento tawata inclui 44,000 hende den total. Mita di e cantidad aki a ricibi e vacuna y e otro mita a ricibi un injectie falso/ficticio. E hendenan no tawata sa cu a ricibi e vacuna di berdad of esun falso.
  • E eficacia a ser calcula den mas cu 36,000 hende di 16 aña pariba (incluyendo personanan riba 75 aña di edad) cu no a mustra anteriormente ningun señal di tawata tin e infeccion. E estudio a mustra 95% di reduccion den e cifranan di e casonan di COVID-19 symptomatico, den personan cu a ricibi e vacuna (8 caso for di e 18,198 tawata tin e sintomanan di COVID-19) compara cu hendenan cu a ricibi e vacuna falso. (162 caso for di 18,325 a sinti e sintomanan di COVID-19). Esaki kiermen cu e vacuna a demostra di tin 95% eficacia den e experimento.
  • E experimento tambe a mustra cu mas of menos 95% di eficacia den e participantenan cu tawata tin risico di haya COVID-19 severo, incluyendo esunnan cu astma, diabetes, presion halto den sanger, enfermedad cronico di pulmon,of un promedio di >30 kg/m2 di vet di curpa (mass index)




7. Hendenan cu ya a haya COVID-19 por wordo vacuna?


  • No tawata tin efectonan secundario adicional den 545 hende cu a ricibi e vacuna den e e fase di experimento y cu previamente tawata tin COVID-19.
  • No tawata tin suficiente data di e experimento cu por a conclui con bon e e vacuna a traha den e hendenan aki cu ya tawata tin COVID-19.




8. E vacuna por reduci TRANSMISION di e virus di un persona pa otro?


  • E impacto ora di haya e vacuna ora di e plamamento di e virus di SARS-CoV-2 den comunidad ainda no ta cla. Ainda no tin suficiente claridad cuanto hende cu a vacuna ainda tin y ta plamando e virus.




9. Pa cuanto tempo e proteccion di e vacuna ta dura?


  • Actualmente no tin claridad con largo e proteccion di e vacuna ta. E personanan cu a ser vacuna den e experimento clinico continuamente lo wordo sigui/observa pa e proximo 2 añanan, pa haya mas informacion riba e duracion di proteccion.
    Hende (personanan cu un sistema di inmunidad debil). Aunke e personanan inmuno-deprimi, lo no reacciona mes bon na e vacuna, no tin preocupacionnan particular di seguridad.Personanan inmuno-deprimi, ainda por wordo vacuna ya cu nan tin hopi risico di haya COVID-19.




10. Muchanan por wordo vacuna cu e vacuna di Pfizer?


  • Actualmente e vacuna no ta wordo recomenda pa duna mucha bao di 16 aña. Tin un areglo cu e compania riba un plan di experimento di e vacuna pa muchanan pa mas despues.




11. Personanan inmuno-deprimi por wordo vacuna?


  • No tin datonan suficiente cerca personanan inmuno-deprimi (personanan cu un sistema inmune debilita). Ta posibel cu e personanan inmuno-deprimi no ta responde bon na e vacuna y no ta existi preocupacion di seguridad particular. E personanan inmuno-deprimi por wordo vacuna door cu nan tin un mayor riesgo pa contrae COVID-19.




12. Hende muher na estado of dunando lechi pecho por wordo vacuna?


  • Estudionan realisa den animalnan no ta mustra ningun tipo di efecto dañino durante e embaraso, sinembargo e datonan riba e uzo di e vacuna durante embaraso ta hopi limita. Aunke no tin existi estudionan riba e lactancia, no ta spera ningun riesgo.
  • E decision di uza e vacuna den hende muher na estado mester wordo tuma den consulta cu un profesional di salud despues di considera e beneficio y riesgonan.




13. E personan alergico por wordo vacuna?


  • Hendenan cu ya sa cu nan ta sufri di alergia di un of otro componente di e vacuna riba e lista den e seccion 6 riba e informacion di e paki, no mester ricibi e vacuna.
  • Reaccionnan di alergia (hipersensitividad) a wordo experencia den personanan cu a ricibi e vacuna. Un cantidad hopi abao di caso di anaphylaxis ( reaccion severo di alergia) a ser registra,desde cu e vacuna a cuminsa wordo propaganda den campañanan. Pesey, mescos cu tur vacuna, e vacuna mester wordo administra bao di supervision medico hopi di cerca, cu e tratamento medico apropia y disponibel. Personanan cu tin un reaccion severo di alergia ora cu nan a ser duna e prome dosis di Comirnaty, no mester wordo duna e di dos dosis.




14. Con bon e vacuna ta traha cu hendenan di diferente generonan etnico?


  • E experimento principal a inclui personanan di diferente generonan y etnico. E eficacia a keda rond di 95% den tur e generonan, racial y gruponan etnico.




15. Kiko ta e risico asocia cu e vacuna?


  • E efecto secundario mas comun di e vacuna den e experimento tawata generalmente suave y modera y a mehora un par di dia despues di e vacunacion. Esaki tawata inclui dolor y hincha na e lugar di e hangua, cansancio, dolor di cabes, dolor di musculo, calafrieu y keintura. Mas cu 1 den 10 persona a sinti e efectonan aki.
  • Color Cora na e lugar unda a duna e hangua y biramento di stoma a sosode den menos cu 1 den 10persona. Grawatamento na e lugar di e hangua, dolor den brasa, y aumento di e kliernan linfatico, dificultad pa drumi y sinti malo tawata efectonan secundario no frecuente (afectando menos cu 1 den 1000 persona). Debilidad den musculonan na un banda di cara (acute peripheral facial paralysis or palsy) a sosode rara bes den menos cu 1 den 1000 persona.
  • Reaccionnan di alergia cu e vacuna a sosode, incluyendo un cantidad hopi chikito di casonan severo di reaccionnan alergico (anaphylaxis)cu a sosode ora cu e vacuna a ser uza den e campañanan di vacunacion. Den caso aplicabel na tur e vacunanan, e vacuna mester ser uza bao di supervicion estricto cu e tratamento medico disponibel apropia.




16. Pakiko e vacuna ta autoriza na Union Europeo y kiko esaki kiermen pa Aruba?


  • E vacuna ta ofrece un proteccion di nivel halto contra COVID-19 cu ta un necesidad hopi criticoden e pandemia actual. E experimento principal a mustra cu e vacuna tin 95% eficacia. Mayoria di e efectonan secundario ta suave y modera den severidad y a desparce den un par di dia.
  • Pesey e Agencia a dicidi cu Comirnaty su beneficionan ta mas grandi cu su riesgonan y cu su uzo por wordo autoriza na e Estado Europeo (Union Europeo)
  • Comirnaty a haya un autorizacion comercial condicional. Esaki kiermen cu tin mas evidencia di e vacuna (wak abao), cua compania ta rekiri pa provee. E agencia lo revisa cualkier informacion nobo cu lo ta disponibel y e resumen aki lo ser actualiza si ta necesario.
  • Aruba ta parti di e Reino Hulandes y Aruba lo haya vacuna di Hulanda.




17. Cua informacion ainda ta ser spera di e vacuna?


  • Como cu e vacuna di Pfizer a haya un autorizacion comercial condicional{(comentaro(FV1): E Aprobacion di un medicamento cu ta adresa e necesidadnan medico, cu no a keda cla, di e pashent riba un base di datonan menos completo cu normalmente ta ser rekiri. E datonan disponibel mester indica cu e beneficionan di e medicamento ta supera e riesgonan y e aplicante mester ta den condiciondi proporciona datonan clinico completo den futuro.}, e compania cu ta hasi e mercadeo di e vacuna lo continua di provee e resultadonan di e experimento principal, cu lo continua pa 2 aña largo. E experimento aki y estudionan adicional lo provee informacion di con largo e proteccion ta dura, con bon e vacuna ta preveni COVID-19 severo, con bon e ta proteha e personan inmuno-deprimi, muchanan y hende muhernan na estado, y tambe si e ta preveni casonan asymptomatico.
  • Adicionalmente, independiente di e estudionan di e vacunanan COVID-19coördina pa Autoridadnan di Union Europeo, tambe lo duna mas informacion di e vacuna su siguridad a largo plazo y beneficionan en general pa e poblacion.
  • E compania tambe lo efectua e estudionan y proporciona e garantia adicional riba e calidad farmateutico di e vacuna, manera e fabricacion ta ampliando.




18. Kiko ta e medidanan cu ta ser tuma pa garantisa e siguridad y uzo efectivo di e vacuna?


  • Recomendacion y precaucionnan a wordo sigui pa e profesionalnan den cuido medico y pashentnan pa e uzo safe y efectivo di e vacuna, y a ser inclui den e resumen di e caracteristicanan di e producto y e informacion riba e paki.
  • Un plan di maneho di riesgo (RMP) pa Comirnaty tambe ta den existencia y ta contene informacion importante tocante e seguridad di e vacuna, y con pa recopila mas informacion y con ta minimaliza cualkier riesgo potencial.
  • Medidanan di seguridad lo wordo implementa pa e vacuna den linea cu e plan pa monitorea e seguridad di Union Europeo pa e vacunanan COVID-19pa sigura cu e informacion di siguridad ta rapidamente copila y analisa. E compania cu ta mercadea e vacuna lo proporciona cada luna e raportahenan di seguridad.
  • Tocante tur e medicamentonan, e dato nan riba e uzo di e vacuna ta continuamente monitorea. E efectonan secundario raporta cu ta ser sospecha, ta ser evalua cuidadosamente y cualkier accion necesariolo ser tuma pa proteha e pashentnan.




Informacion adicional di Comirnaty


  • Comirnaty a ricibi un autorizacion adicional di comersialisacion valido full rond Europa (Union Europeo) te cu 21 di December 2020




Documentonan di respaldo:


Documento di gestion di riesgo di Comirnaty

Plan di monitoreo di seguridad di Comirnaty di e Comunidad Europeo

Resumen di Informacion di e producto Comirnaty

Seguridad y Eficacia di Comirnaty

Resumen di e informacion di e producto Vacuna COVID-19 Moderna

Articulo riba prueba di e vacuna Moderna COVID-19

Tracker di vacunanan