Yamado na Personal den cuido pa busca nan 'Booster Shot'


Yamado na personal cu ta traha den cuido pa busca nan 'Booster Shot'


Departamento di Salud Publico ta invita tur esnan cu ta traha den cuido pa nan busca nan ‘Booster Shot'.


Pasa na ImSan na San Nicolas (mas exactamente, den e edificio na unda e ambulancenan ta staciona), dia 13 di December, entre 9’or di mainta y 3’or di atardi 'non stop'.


No ta nesesario pa traha un cita. Pa e grupo aki lo haci uzo di e sistema ‘walk-in'.


Ta importante pa cada persona bin cu su prueba di vacunacion anterior y tambe su carchi di AZV.


Si e dunador di cuido tabata positivo pa COVID-19 den e ultimo 6 luna, e ora e lo no por wordo vacuna, pero mester warda 6 luna despues di a test positivo pa haya e 'Booster Shot'.


Pa mas informacion por tuma contacto cu DVG na 522-4200 of 280-0101.