Aunke COVID-19 den hoben ta presenta den mayoria caso cu sintomanan mas leve compara cu un adulto, no por descarta casonan na unda hobennan a bira hopi malo cu infeccion pulmonar cu a rekeri hospitalisacion y hasta cuido intensivo. COVID-19 por ocasiona morto cerca hende hoben tambe, si esaki ta sufri di un of otro malesa adicional.
Hoben y adulto hoben ta un grupo den nos comunidad hopi activo y tambe por facilmente contribui na hiba e virus di un luga pa otro y contagia otro persona den algun ocasion, sin ta consciente mes como cu e sintomanan cerca un hoben por ta hopi leve compara cu un adulto mayor.
Premirando cuminsamento di e aña escolar nobo na unda hopi hoben lo topa cu otro atrobe, e organisacionnan international di salud ta recomenda pa mas tanto posibel, muchanan di 12 aña bay ariba pa vacuna. Esaki ta reduci e risico cerca e mucha mes y tambe ta limita e transmision di e virus conhuntamente cu demas medida.
Vacuna no ta solamente un acto di solidaridad y responsabilidad conhunto caminda niun hende por keda atras; pero mas tanto, vacuna ta un acto di amor pa bo mes, bo famia y bo pais!
Participa den nos VacunaTHON, dia 22 di Augustus awo na Ritz Carlton for di 9am te cu 4pm. Por fabor, no duda mas: VACUNA!