Vacunathon | 22 di Augustus 2021



Departamento di Salud Publico y Ministerio di Salud conhuntamente cu SVB y AZV ta organisa otro Vacunathon pa tur ciudadano na Aruba cu ainda no a vacuna. E Vacunathon aki lo tuma luga diadomingo dia 22 di augustus 2021 na Ritz Carlton hotel y lo cuminsa 9:00 am y lo termina 4:00 pm non stop.


Ta invita tur ciudadano cuminsando for di 12 aña bay ariba pa bin vacuna riba e dia aki. Bin cu bo AZV y si bo no tin AZV pero ta biba na Aruba por presenta cu un paspoort. E vacuna disponibel lo ta Pfizer mirando e grado di efectividad halto. Riba e dia aki tambe ta invita tur ciudadano cu a ricibi 1 vacuna pero no a busca su di 2 ainda pa pasa tambe y busca su vacuna. Entre e prome y di dos vacuna mester tin 3 siman si. E invitacion ta na comunidad pa yega y haci uzo di e oportunidad aki muy enparticular hobennan cu tin pa cuminsa scol pronto.


Vacuna pa proteha bo mes, bo famia y bo pais.