Update | 8/9/2020


ORANJESTAD, 08 september 2020 Segun resumen di awe por tuma nota cu 49 persona mas a recupera, tin 107 caso nobo di Covid-19 di cual tur ta residente, total di activonan awo ta 1281, total di testnan haci ayera ta 505, caso di fayecimento relaciona Covid-19 ta 15.


Hospital ta informa cu tin un total di 40 persona interna di cual 11 ta den cuido intensivo y 29 ta isola riba piso general.


Hospital tin e posibilidad pa aumenta su capasidad di cuido intensivo te na 21 unidad y riba piso general por duna cuido na 60 persona Covid-19 positivo.


Te na e momento aki Hospital tin capacidad suficiente pa duna e cuido nesesario na es cu tin mester di dje, pero no mester descarta cu mas hende por wordo interna.


P'esey ta importante pa comunidad haci lo maximo posibel pa proteha nan mes na tur momento. Sigui e consehonan duna y na prome indicacion di cualkier sintoma tuma contacto cu dokter di cas pa por haci un test. Ta imposibel pa observa kende tin e virus den un fase unda ainda no tin sintoma, p'esey ta importante pa nos proteha nos mes na tur momento y contra tur persona.


E uzo di tapa boca, distanciamento social y higiena di man ta keda e metodonan esencial pa preveni e transmicion di e virus.

Si un hende of bo persona ta sinti malo, NO sali for di cas.

Pero yama bo dokter di cas pa haci un test.