Update | 26/12/20

ORANJESTAD, 26 december 2020


Segun resumen di awe 18 persona a recupera, a registra un total di 19 caso nobo di Covid-19, di cual tur ta residente, cantidad total di testnan ehecuta ayera ta 377 'positivity rate' local riba dia di ayera ta 17%).


Activo tin awe 162 caso, cantidad di fayecido relaciona cu Covid-19 ta na 49.


Hospital ta informa cu tin un total di 6 persona interna di cual 2 ta den Cuido Intensivo y 4 isola riba piso general.


Ta importante pa remarca cu di e 19 casonan nobo di awe, 9 ta residente cu a test positivo na aeropuerto na nan yegada.


Hopi pais ta pasando den dificultad grandi pa controla e plamamento di e virus. Na Aruba nos tin e plamamento basta minimalisa debi na medidanan y implementacionan cu otro paisnan no tin.


Un suplica ta bay na comunidad pa na momento di bandona Aruba sea pa vakantie of labor pa sea extra cautelos y proteha bo mes extra. Cana cubo propio handsanitizer y evita espacionan interior cu hopi persona. Como residente di Aruba bo a ta bon informa con pa proteha bo mes. Haci esaki ora bota den exterior tambe pa evita cu bo ta regresa Aruba cu covid-19.

official-white.png
DVG-Logo-stroke.png

Si un hende of bo persona ta sinti malo, NO sali for di cas.

Pero yama bo dokter di cas pa haci un test.

logo-gob-dvg.png