Update | 19/12/20


ORANJESTAD, 19 december 2020. Segun resumen di awe 9 persona a recupera, a registra un total di 17 caso nobo di Covid-19, di cual 5 ta no-residente, cantidad total di testnan ehecuta ayera entre otro na Lab di hospital, aeropuerto y Lab priva ta 520 'positivity rate' local riba dia di ayera ta 8%).


Activo tin awe 171 caso, cantidad di fayecido relaciona cu Covid-19 ta 47.


Hospital ta informa cu tin un total di 9 persona interna di cual 0 ta den Cuido Intensivo y 9 isola riba piso general.


Ta importante pa remarca cu apesar cu e casonan activo den bista di comunidad por mustra hopi. Na e momento aki hospital tin capasidad pa duna cuido na tur es cu mester di dje.


Nos sistema a maneha casi 2000 caso na mes momento algun luna atras pa cual motibo e cantidad na e momento aki ta wordo bon maneha.


Esaki no ta e motibo si pa stop di ta cauteloso of stop di cuida. Ta nesesario pa comunidad sigui cuida y cumpli cu tur regla pa nos por sigui mantene e cantidad na un nivel manehabel.

official-white.png
DVG-Logo-stroke.png

Si un hende of bo persona ta sinti malo, NO sali for di cas.

Pero yama bo dokter di cas pa haci un test.

logo-gob-dvg.png