Update | 18/10/20


ORANJESTAD, 18 oktober 2020. Segun resumen di awe 19 persona a recupera, tin un total di 18 caso nobo di Covid-19, di cual 1 ta no-residente, ("positivity rate" bou residente ta 22%). E total di casonan activo ta awe 286, total di testnan haci ta 299, testnan haci bou di residentenan na laboratorio di hospital ta 79. E total di casonan di fayecimento relaciona na Covid-19 ta 34.


Hospital ta informa cu tin un total di 6 persona interna di cual tur 6 ta isola riba piso general. Den ICU no tin ningun pashent di Covid-19 na e momento aki.


Pa nos sigui controla e pandemia di Covid-19 ta importante pa comunidad ta alerto y na prome indicacion di sintoma tuma contacto cu dokter di cas pa por haci un test. Door di isola e casonan positivo nos por controla e virus y stop e di sigui plama.


Ban sigui cuida, Aruba ta conta cu bo pa sigui maneha y controla e virus di Covid-19.

Si un hende of bo persona ta sinti malo, NO sali for di cas.

Pero yama bo dokter di cas pa haci un test.