Ideal lo ta pa keda cas y celebra den famia of limita bishita na solamente algun famia directo.
Si ta bay ricibi bishita na cas, limita e cantidad di hende cu bo ta permiti na bo cas na mesun momento.
Prome cu Pasco evita di bishita luganan publico caminda tin hopi aglomeracion di hende, pa asina reduci riesgo di infecta famia y esnan cu bo tin idea di bishita.
Evita brasamento, dunamento di man y sunchimento.
Si lo ricibi bishita, reuni den aire liber pafo di cas, den patio of cura caminda aire ta circula hopi bon, sinta leu di otro na mesanan separa ta miho.
Si bo no tin patio, habri porta y bentana di cas pa aire circula y uza tapaboca.
Persona riba 60 aña den famia, evita di sali haci bishita of si tin bishita cu ta bin cas, evita acerca e persona aki, duna bon pasco di distancia of via telefoon of video chat.
Mantene tur e reglanan di COVID-19 tur momento.
Tur caminda cu no por mantene e 1.5 meter ta wordo recomenda pa bisti tapaboca.
No comparti glas of kelki di bebe, tayo, cuchara, cuchiu of forki cu otro, preferiblemente uza desechabel (plastic), no bebe di e mesun boter of bleki.
Reduci na un minimo of si por, evita alcohol.
Uza hand sanitizer of wipes prome cu drenta un cas unda ta hasi bishita y tambe ora di sali.
Si bo ta sinti malo of algun sintoma di; tosamento, keintura, dolor di cabes, di garganta, dolor di curpa of musculo, diarea, keda cas y no haci ningun bishita ni ricibi ningun bishita, yama bo dokter di cas.
Ta consehabel pa uza tapaboca si ta ricibi bishita paden di cas.
Si ta posibel desinfecta despues di cada bishita.
Core cu pasenshi y segun regla den trafico, si bo ta bao influencia evita di core auto.
Si un persona bin papia cu bo sin tapaboca bisti, hala patras y tene un distancia di minimo 1.5 meter sea paden pa pafor.