Testimonio di un ex Pashent di Covid-19

"Si Bo test positivo, keda positivo, lo bo recupera mas lihe.”


• Prome sigui e reglanan di Departamento di Salud estrictamente.

• Pidi Dios pa compaña bo den e proceso di recupera y pidi’e despensa cu bo no a pensa riba dje prome.

• Pensa cu e situacion aki ta temporal.

• Educa bo mes di Covid-19.

• Educa bo mes di bo mesun Sistema di defensa (imunologico) di bo curpa.


• Ora cu bo mira cu bo hendenan no ta bishita bo, pensa cu esaki ta temporal.

• No spanta ora bo haya bishita di hendenan bisti den trahe di proteccion, nan kier proteha nan mes y otronan.

• Ora cu bo perde holo of smaak, pensa cu esey tambe ta temporal.

• Ora cu bo no por hala rosea bon y bo ta lanta den anochie un poco ansha, bebe un poca awa lauw, haci un oracion y pensa cu esaki tambe ta temporal.

• Ora cu bo ta haya tosamento seco y fastioso, bolbe bebe un poca awa lauw y pensa atrobe cu esaki ta temporal.


• Probecha e ora y dianan pa lesa, mira programanan positivo manera documentarionan y comedy, No mira nada negativo manera pelicula/show di crime of drama.

• Cana mainta y atardi den solo den bo hardin si bo tin of den patio.

• Haci ehercicio suave den bo patio of hardin.

• Bebe suficiente awa, 8 glas of mas si mester.

• Si por cushina bo mesun cuminda, come hopi bonchi, fruta y berdura,

• Gradici bo cuminda ora cu bo bay come.

• Limita of evita di come carni.

• Bebe te di yerbanan cu tin vitamina y mineralnan bon pa bo salud.

• Bebe awa di lamunchi natural temperatura lauw.

• Evita di mira, lesa of scucha programanan di noticia cu cada bes ta papia di Covid -19.

• Scucha Radionan di musica continuo positivo of traha bo mesun playlist.

• Gradici Dios pa cada dia cu pasa cu bo ta recuperando.

• Ami ta un ex pashent di COVID-19 cu ta desea di comparti su experiencia di a recupera y test negativo mas trempan door di tin FE, pensa y actua positivo.

Ex pashent Covid-19 anonimo.

official-white.png
DVG-Logo-stroke.png

Si un hende of bo persona ta sinti malo, NO sali for di cas.

Pero yama bo dokter di cas pa haci un test.

logo-gob-dvg.png