“Si, ami tabata contra e vacuna.
Mi a mira hopi di e videonan y lesa hopi informacion, kisas no tur tabata berdad, pero mi no a worry.
Sinembargo algo cu a pasa a haci cu mi a cambia di opinion.
Mi a mira un amigo di hopi aña haya e virus di Covid, e y su casa.
Nan a lucha hopi duro contra e virus na cas y despues den ICU na Hospital
Su señora a bolbe cas despues di varios siman.
Mi amigo si no a bolbe, e no a sobrevivi e impacto di Covid-19.
Nos a despedi di otro for di un potret riba su caha.
E la laga atras su señora y yiunan cu ya ta basta grandi.
Mi amigo no kier a bay asina trempan, lagando su famia atras, ami tampoco.
Mi a registra pa mi vacuna, pa mi mes ta protehi, pa mi ta un Tio pa e yiunan di mi amigo y un amistad di apoyo pa su casa.
Mi ta bay vacuna y sigui cuida, pa asina mi sigui ta un esposo pa mi casa y un tata ehemplar pa mi yiunan."