Servicio Social Psikiatrico ta anuncia cambio temporario den nan maneho diario


ORANJESTAD, Aruba – 12 april 2020: Relaciona cu e crisis di COVID-19 Departamento di Salud Publico su servicio Social Psikiatrico (SPD) ta obliga di adapta nan servicionan. SPD Santa Cruz Su edificio ta temporalmente sera. Atravez di jama di telefono of video call profecionalnan di SPD manera entre otro trahador social, enfermero, psicologo of psikiatra ta tuma contacto cu mayornan y hobennan cu ta resorta bou di nos servicio. SPD Playa Ta duna servicio temporario via cita. Tur pashent cu tin gustumber di bin serca nos na nos oficina pa busca medicamento por jama of lo wordo jama pa SPD pa haci un cita. Pashentnan cu ta ricibi medicamento na cas door di enfermeronan di SPD lo sigui ricibi esaki. Pa traha un cita cu nos por jama e number di telefon 5224249. Liña di Crisis Pa asistencia den momento di crisis den dia of pafo di orario di oficina por jama 5224343

Si un hende of bo persona ta sinti malo, NO sali for di cas.

Pero yama bo dokter di cas pa haci un test.