SCOLNAN TA HABRI BEK DIALUNA 10 JANUARI


Manera acorda, CrisisTeam a evalua e data ricibi di directivanan di scol y e data ta indica cu apesar cu tin algun maestro y docente den cuarentena y isolacion na e momento aki, ta necesario y importante pa scolnan habri dialuna awo.

Mientras tanto e cambionan den protocol a wordo manda pa scolnan.

Durante e dianan y simanan cu ta nos dilanti directiva di Scolnan y CrisisTeam lo sigui monitorea e desaroyo di serca pa evalua si ta necesario tuma mas medida.

Gobierno y CrisisTeam ta reconoce y agradece pa e cooperacion ricibi pa tene scolnan dos dia sera, y ta desea tur maestro, docente y alumnonan hopi exito.