Pa cuida bo salud y bienestar general di Aruba, awe nochi Polis y Taskforce tin extra control.


Oranjestad, October 31, 2020


Nos tin pa sigui cuida y no ocaciona un brote atrobe.

Oranjestad, October 31, 2020 - Awe nochi Polis y Taskforce lo ta realisando extra control pa asina segura cu tur negoshi ta cumpli cu reglanan stipula pa preveni un situacionnan cu por conduci na un brote of mas plamento di e virus di Covid-19 na Aruba.


Diabierna a registra 22 caso positivo nobo y awe diasabra tin 19 caso nobo, esey nifica cu tin hendenan cu ta positivo ta cana rond y ta pega otronan sin cu nan sa of nan sa y no ta interesa pa cuida nan mes of otronan.


Durante di e ultimo 3 lunanan e Team di crisis y comunidad di Aruba a haci hopi sacrificio por medio di medidanan severo y actua cu disciplina pa baha e cantidad di casonan activo di mas di 1400 pa awe cu e ta na 156 caso activo. Si esnan cu ta bishita actividad social no sigui comporta, atrobe e casonan lo cuminsa subi y medidanan severo mester wordo implementa un biaha mas. Ta un persona positivo so mester den un grupo di hende cu no ta cumpli cu reglanan y den cuestion di algun minuut e ta pega tur esnan presente cu ta cerca.


P'esey aleha bo mes di sitionan cu no ta cumpli cu regla; no ta permiti para na bar y pidi bebida of para bebe, no ta permiti mas cu 4 hende na mesa, no ta permiti musica duro, solamente pa background, no ta permiti bailamento y si ta sinta paden mester tin tapa boca bisti. Tur sitio nocturno mester cera 11 or di anochi y 12 or ta cuminsa e prohibicion pa aglomera riba beach of parkeerplaats publico. Tur e medidanan aki ta pa bo propio salud y bienestar general di nos isla Aruba.


Sigui cumpli, Aruba ta conta cubo!

Si un hende of bo persona ta sinti malo, NO sali for di cas.

Pero yama bo dokter di cas pa haci un test.