Orario di Update pa cu COVID-19 ta wordo ahusta.


ORANJESTAD, Aruba – 26 maart 2020:

Orario di Update pa cu COVID-19 ta wordo ahusta. Manera cu Departamento di Salud Publico y Gobierno di Aruba a anuncia, actualmente ta activamente enbusca di casonan positivo den nos comunidad, pa di e forma aki trata na contene e transmision di COVID-19 bou nos comunidad. Esaki lo nifica aumento den cifrasnan di caso y aumento den personanan cu mester wordo poni den cuarentena y isolacion. Esaki ta nifica no solamente hopi trabou administrativo pa servicio di malesanan infeccioso pero cada pashent tin derecho di ricibi resultado di su test prome cu esaki wordo anucia publico y mester haya tur atencion nesesario cu ta rekeri den e situacion aki. Pues pa e motibonan menciona a tuma e desicion pa trece cambio den e orario di update COVID-19. Esaki lo no tuma lugar mas 7:00 di anochi pero desde dialuna dia 30 di maart lo tuma lugar den e conferencia di 2:00 di merdia. Di e manera aki nos por garantisa un trabou eficiente di parti personal di servicio di malesanan infeccioso. Unda cada un pashent por ricibi e atencion nesesario. E lucha contra Corona Virus COVID-19 ta sigui.







Si un hende of bo persona ta sinti malo, NO sali for di cas.

Pero yama bo dokter di cas pa haci un test.