Nos grandinan ta wordo proteha

Den reunion di awe tardi entre gobierno y partnernan a tuma e desicion pa temporariamente stop tur bishita pa casnan di nos grandinan



ORANJESTAD, Aruba – 14 maart 2020


Den reunion di awe tardi entre gobierno y partnernan a tuma e desicion pa temporariamente stop tur bishita pa casnan di nos grandinan. Esaki no ta un desicion facil pero si nesesario pa trata na proteha e grupo mas vulnerabel den nos comunidad cu ta nos grandinan.

Proteha e grupo mas vulnerabel den nos comunidad cu ta nos grandinan.

Desde diadomingo 15 di maart casnan di cuido di grandinan lo no permiti bishita y ta pidi cooperacion di cada cuidadano den e lucha aki pa proteha nos sernan stima. Nos ta encurasha comunidad pa sea creativo den e proximo simannan pa por tin toch un forma di contacto no directo cu nan ser stima den forma di video call, carta of yamada telefonico.


Por informa na e cas di cuido di bo mama, tata, wela of familiar con lo ta e miho manera pa regla esaki. E medida aki ta keda vigente te cu 31 di maart y despues lo evalua e situacion na Aruba relaciona cu COVID-19 y su grado di peliger pa nos grandinan.


Si un hende of bo persona ta sinti malo, NO sali for di cas.

Pero yama bo dokter di cas pa haci un test.