Na Aeropuerto a detecta dos caso mas di Covid 19.


Oranjestad; Juli 19, 2020


DVG ta informa cu dos caso mas di Covid 19 Corona virus a keda constata.


Ta trata aki di dos persona no residente cu a test positivo na nan yegada na Aeropuerto.


Ambos persona ta bon di salud y segun proceduranan indica pa e protocol nan tur dos a bay den isolacion. E total ta bira awor 10 caso activo di Covid 19 registra na Aruba.


DVG ta desea e pashentnan un pronto recuperacion. Pa mas informacion tocante di update di casonan di Covid 19 y tur otro informacion, Tips y Protocol por bishita e website www.arubacovid19.org.

Si un hende of bo persona ta sinti malo, NO sali for di cas.

Pero yama bo dokter di cas pa haci un test.