Manteniendo na e protocolnan, deporte por cuminsa entrante 7 di november


ORANJESTAD, Aruba –6 november 2020: Teniendo na cuenta e situacion actual di covid-19 na Aruba, unda ta señala cu e e virus ta transmitiendo su mes na un forma pasivo. Crisis Team ta di opinion cu na e momento aki e risico di contagio ta chikito pa cual motibo a tuma e desicion pa autorisa cu deporte por cuminsa tuma lugar cumpliendo cu protocolnan existente.


Teniendo na cuenta tambe cu deporte ta esencial pa e salud no solamente fisico pero tambe mental ta importante pa esaki por cuminsa mas pronto posibel.


Mas cu claro mester sigui traha riba mantene e transmision di covid abou pa cual motibo mester sigui cumpli cu tur protocol existente. E protocol di deporte specifico ta riba e website www.arubacovid19.org. Ta invita tur organisacion di deporte pa informanan mes riba esaki.


E condicionan stipula pa crisis team pa evita aglomeracion y risico di transmision mirando cu competencia y torneo semper ta trese cu ne hopi animacion, cantamento y gritamento ta cu torneonan no por tin publico presente na e momento aki ainda.

Si un hende of bo persona ta sinti malo, NO sali for di cas.

Pero yama bo dokter di cas pa haci un test.