Luna di oktober, luna di flor y speransa.


Nos recuperacion ta den nos man! Awo mas cu nunca nos tin pa sigui cuida nos mes, pa asina nos sigui maneha Covid-19 riba nos isla.

Durante e ultimo lunanan, e aumento di casonan a scala di manera significativo, esaki a trece cune diferente reto y obstaculo. Tambe ela conduci na diferente medida di proteccion un bez mas pero e resultado ta cu e casonan ta bahando. E medidanan hunto cu e disciplina y compromiso di nos comunidad, a logra e bahada significativo di e curva. Nos ta den bon caminda, pero nos mester sigui cumpli pa persevera.


Departamento di Salubridad Publico Aruba por medio di e campaña aki kier encurasha y motiva nos comunidad completo pa sigui cumpli, sigui cuida y mantene un mentalidad positivo den e periodo aki. Nos ta conoci pa ta un pueblo cu curashi y determinacion pa logra cosnan grandi y hunto so nos por sigui hiba nos isla dilanti. Uni nos ta vence, dividi nos ta fracasa.


P'esey invitacion pa nos tur sigui cuida nos mes, pa asina cuida otro. Uni nos lo ta mas fuerte pa resisti Covid-19, si nos sigui e recomendacionnan di Ministerio di Salud y DVG.


Nos ta logrando y cu Positivismo, curashi, motivacion, determinacion, disciplina y AMOR PA NOS PAIS! Nos lo persevera.


Aruba ta conta cu bo!



#ArubaTaContaCuBo #DVGAruba

Si un hende of bo persona ta sinti malo, NO sali for di cas.

Pero yama bo dokter di cas pa haci un test.