HOSPITAL TA ESCALA DEBI NA COVID


CRISISTEAM TA INFORMA:

HOSPITAL TA ESCALA DEBI NA COVID


Oranjestad, 13 di augustus 2021 - CrisisTeam ta informa cu pa motibo di e aumento drastico di casonan di Covid, Hospital ta escala y mester cancela cuido electivo. Lo atende solamente casonan di urgencia pa asina por traha capacidad y espacio pa atende cu patientnan di Covid.

Dr Horacio Oduber Hospital ta lamenta cu mester a tuma e paso aki, sinembargo ta un paso necesario pa por garantisa cuido di tur ciudadano.

Ta hasi un apelacion riba tur ciudadano pa no acudi na Hospital pa cuido cu no ta di emergencia y cu no ta necesario mesora.

Tambe ta hasi un apelacion grandi riba ciudadanonan pa bai trankilo den trafico y evita causa accidente. Pasobra cada victima di accidente den trafico ta tuma mas cama den hospital.

CrisisTeam lo ta evaluando ki paso mas mester tuma, y ta hasi un apelacion serio na tur ciudadano pa cuida nan mes y nan famia.