Gobierno ta cancela tur medida relashona cu Covid19


Papiamento

Entrante mayan 17 di Febr: Gobierno ta cancela tur medida relashona cu Covid19. E periodo di COVID a causa hopi daño y a dividi comunidad. Nos no por bisa cu corona no t’ey mas, pero mirando e cifranan, tin cu cuminsa siña biba cu ne, segun Prome Minister mr. Evelyn Wever-Croes. A demostra di ta posibel cu e vacuna ta proteha nos miho y e variante Omicron ta mas leve. Awo tin cu pone atencion riba otro area cu mester a restringi. Area di Horeca y cultura y deporte cu a sufri hopi. Awo ta bay cuminsa habri y a anuncia e Exit Strategy caminda cu awe ta dal un stap hopi mas grandi. Tin 62 caso activo te cu ayera, cual ta hopi bon. Ultimo biaha cu tabata asina tabata exactamente 7 luna pasa, dia 16 di juli 2021. Esaki ta indica cu ta bayendo hopi bon. Otro indicador ta na hospital, cuanto hende tin. Un otro parametro cu ta para keto na dje ta ICU. Ta depende di su capacidad y den Omicron maximo pashent te aworaki ta na un. Segun e criterionan aki, aworaki mester flexibilisa mas. No tin hustificacion pa mantene e medidanan cu tabatin. Entrante mañan, dia 17 di februari tur medida ta cancela cu excepcion di testmento na entrada, tur hende cu bin ti exterior mester haci un test ora nan drenta of nan ta vacuna completamente, e ora no mester test. Residentenan local por test ora drenta na Aruba y e vacunacion mester ta completo, incluyendo e boostershot. Ta conoci cu e centro di vacunacion na Santa Cruz (Centro Deportivo Betico Croes) a cera awe. Awo ta dos caminda por vacuna: na DVG mes y den unidad mobil cual actualmente ta na Centro di Bario Playa Pabao. E regla cu ta keda na vigor ta inreisbeleid. Di dos regla ta e maneho di testmento cu tabatin te aworaki. Tur demas medida ta candela. Orario di ciere ta bay bek segun e permiso. Cantidad di hende na mesa tambe no ta limita mas. Pero tin algun recomendacion y no ta liviano. Ta urgi cada ciudadano pa por fabor mantene na dje. E prome ta laba man, e arma mas poderoso pa combati e virus. Tambe mantene distancia di meter y mey. Tambe uza tapaboca si ta necesario. Tambe percura pa tin semper aire fresco. Si tin area cera percura pa ventila regularmente. Si tin sintoma, keda paden inmediatamente y haci test pa sa kico ta kico, segun e prome mandatario.

English

Español