Gobierno di Aruba ta dal e promer paso di reapertura


Oranjestad, ARUBA - 15 juni 2020


Gobierno di Aruba ta dal e promer paso di reapertura

habriendo frontera cu Boneiro y Corsow.


Despues di amplio deliberacion y analysis di riesgo di diferente scenario, Gobierno di Aruba ta sinti cu awor ta e mihor momento pa habri frontera cu su islanan ruman; Boneiro y Curacao.


Entrante dialuna 15 di juni te cu 1 di juli lo habri frontera cu islanan Boneiro y Curacao. Esaki ta nifica cu entre e islanan aki a acorda cu por biaha sin cu tin restrincion, esaki pa motibo cu no tin transmision local na Aruba, Boneiro ni tampoco na Curacao.


Esaki kiermen cu na entrada di Aruba, biahando for di Curacao of Boneiro;


  • No ta exihi test pa por drenta Aruba,

  • Lo hasi algun pregunta necesario; medische screening,

  • Si e persona tin sintoma lo e mester hasi test y bai den cuarentena,

  • Si no tin sintoma no mester hasi e test,

  • No mester bai den cuarentena mas

  • No mester di prueba di seguro pa cubri Covid-19, ta conseha e biahero si pa verifica esaki bon, pasobra si tin gastonan medico cu e mester hasi esakinan ta core riba su persona.

Si un hende of bo persona ta sinti malo, NO sali for di cas.

Pero yama bo dokter di cas pa haci un test.