Entrante 4 di januari 40+ tambe por ricibi 'Booster Shot' contra COVID-19



Oranjestad- 3 di januari 2022, DVG ta informa cu e entrante diamars 4 di Januari 2022 lo cuminsa duna e 'Booster Shot' na tur persona 40 aña of mas. Manera por observa rond mundo e booster shot ta brinda proteccion extra contra Delta y e variante nobo Omicron, haciendo cu e efectonan ta menos severo pa e persona cu keda contagia cu e virus. Orario pa por acudi pa ricibi e Booster shot ta di 8 or di mainta pa 3 or di atardi non stop na Centro Libertador Betico Croes for di dialuna pa diabierna. Den weekend ta sera. Pa risibi e vacuna no mester di traha cita, simplemente cana kibra – 'walk in' pa ricibi bo booster shot.