E strategia di “Search and Destroy” ta sigui identifica y isola casonan.


ORANJESTAD, Aruba 16 augustus 2020


E meta tras di e strategia "search and destroy" ta pa test mas, detecta mas caso posibel y isolanan. Mester menciona si aserca cu e testing ta solamente pa esnan cu tin “sintoma”. E intencion no ta ningun momento pa tur hende bai test.

Door di "contact tracing" tambe identifica esnan cu tin of por tawata tin contacto cu e virus y ta na risico mas trempan. Di e forma aki por controla e plamamento di e virus.


Sinembargo exponiendo hopi caso positivo den un tempo corto por mustra negativo compara cu otro paisnan cu no ta test asina hopi manera Aruba.


Esaki ta e diferencia entre Aruba y otro paisnan den Caribe. Aruba na e momento aki ta na di 5 lugar di paisnan cu mas test ta wordo ehecuta pa capita na mundo.


Gobierno di Aruba y Crisis team ta sigui kere den e strategia aki, ela funcciona caba na inisio di e crisis na Aruba y ta convenci cu e ta e miho forma pa atende e crisis actual.


Mientras otro paisnan nan capacidad di test ta limita, Aruba a percura pa tin un capacidad abundante di test. Loke Aruba ta atende cu ne awor den crisis, otronan lo deal cu esaki tardi of trempan tambe pasobra Covid-19 ta un realidad cu no lo desaparece por lo pronto.


E Update di awe ta ilustra cu ayera 489 test a wordo haci, 54 persona a resulta positivo, 7 persona mas a recupera y awe nos tin un total di 898 caso activo.

official-white.png
DVG-Logo-stroke.png

Si un hende of bo persona ta sinti malo, NO sali for di cas.

Pero yama bo dokter di cas pa haci un test.

logo-gob-dvg.png