Dia Nacional di registracion


ORANJESTAD- 03 maart 2021. Diasabra awo dia 6 di maart lo ta un dia nacional di registracion pa vacunacion. Manera ya anuncia e prome vacunanan ta cabando mas lihe cu a antisipa, pero esaki sigur ta un hopi bon comienso pa Aruba. Como pais chikito nos ta riba caminda pa nos recuperacion entre paisnan grandi. Mas lihe nos vacuna mayoria persona den nos comunidad mas lihe nos lo limita y asta stop e virus di COVID di sigui plama.


Enespera di e siguiente 'batch' di vacuna cu ta yegando for di Hulanda den e siman di 8 di maart ta importante pa esnan cu ainda no a registra pa nan haci esaki, pa ora cu vacuna yega bo por haya bo invitacion pa bin vacuna.


Diasabra awo haci uzo di e dia pa yega na Centro Deportivo Betico Croes na St Cruz, club Den Bosco na Noort of Santa Teresta na San-Nicolas pa registra. Yuda bo mama, bo tata, tio y famia cu no tin smart phone pa nan registra. Orario lo ta di 8:30-11:30 y 2:30-5:30. Nos lo ta wardando comunidad pasobra hunto nos lo progresa.