Determina pa reduci contagio di Covid-19, Crisis Team ta anuncia extra medida.


ORANJESTAD ARUBA, 18 september 2020


Durante e siman cu a pasa Gobierno di Aruba por medio di Crisis Team a reuni pa evalua diferente extra medida pa reduci contagio di Covid-19. Tambe a revisa protocolnan y haci algun adaptacion, cu e meta pa reduci e contagio den e diferente sector.


A adapta e protocol di cuarentena bek na 14 dia obligatorio y a haci tapa boca den tur interior di localidad obligatorio tanto pa cliente como trahador. A amplia "Task forse" control cuarentena y isolacion y desde diasabra 19 di september "Toque de Queda” ta conose orario nobo di 10:00 PM pa 5:00 AM y ora di ciere ta bira 9pm. Esnan cu por ta riba caya ta esnan cu ta bayendo trabao of biniendo di trabao; nan mester tin su bon identifacion, carta y schedule di trabao. Si mester bay hospital mester yama 100 promer pa notifica.


Tambe a informa cu fiestanan na cas no ta permiti.

Trahadornan cu tin sintoma, no bay traha, bo ta core riesgo di haya castigo diciplinario ademas di por pega otronan cu e virus.


Tur e medidanan y cambionan anuncia ta nesesario pa logra reduci e cantidad di contagio na Aruba y trece esaki na un nivel mas razonabel pa bienestar di comunidad y Aruba. “Si tur hende coopera y comporta mihor, mas medida no ta necesario, pero promer e casonan di contagio mester baha”, tabata palabranan di Minister President Wever Croes na ciere di e conferencia di Prensa.



Si un hende of bo persona ta sinti malo, NO sali for di cas.

Pero yama bo dokter di cas pa haci un test.