ORANJESTAD, Aruba – 24 maart 2020:
Den e lucha contra Corona Virus COVID19 Departamento di Salud Publico y Gobierno ta trahando pro-activo enbusca di casonan positivo riba nos isla.
E strategia ta pa localisa mas hopi caso posibel den un corto tempo, pa di e forma aki isola y contene e virus di sigui plama.
Den e dianan cuta sigui nos pais lo conose aumento den casonan positivo, pasobra hopi mas test ta wordo haci.
Nos a amplea nos definicion di caso pa por test mas y produci mas.
Departamento di Salud Publico y Gobierno di Aruba ta pidi comunidad pa sigui aplica distancia social y aplica higiena di man regularmente. Sigui tur conseho duna pa nos Departamentonan y mantene bo mes na e cambionnan introduci den e lucha contra Corona Virus.