Den cuadro di e normal nobo Departamento di Salud Publico ta informa cambionan den su operacion.


ORANJESTAD, Aruba – 08 mei 2020 Departamento di Salud Publico (DVG) tin diferente seccion cu ta brinda servicio na comunidad. Den cuadro di e normal nobo unda mester cumpli cu reglanan stipula di distancia fisico, preveni aglomeracion y un bon higiena, DVG mester a adapta y introduci cambionan. E cambionan aki ta cuminsa entrante dialuna dia 11 di mei di aña 2020. Servicionan di DVG cu no ta wordo menciona aki bou ta den preparacion ainda y nan operacion lo wordo anuncia despues.

  • Certificado di Salud (Carchi Berde). Nos lo cuminsa duna servicio prome na esnan cu ta aplica pa prome biaha of cu mester renoba. Esnan cu tin Certificado di Salud pa busca, nos lo informa di e proseso den un proximo comunicado. Pa aplica pa Certificado di Salud mester subi riba nos website www.dvg.aw y traha un cita. Es cu no tin acceso na internet por yama via telefoon 5224277 pa informacion y traha un cita. Tur informacion tocante e rekisitonan cu mester pa por aplica pa Certificado di Salud ta disponibel riba nos website https://www.dvg.aw/dvg/servicio_46511/item/inspeccion-di-alimento-y-higiena_36169.html

  • Vacuna; es cu tin un recept di dokter pa busca vacuna na nos seccion di Malesanan Infeccioso mester yama 5224221/5224241/5224239 pa un cita. Pa busca vacuna sin recept di cual mester page pe. Mester haci cita via nos website www.dvg.aw.

  • Permiso di DIMAS; mester yama 5224221/5224241/5224239 pa un cita

  • Abattoir; Pa loke ta matansa di cria y bestia esaki lo sosode tambe abase di cita cuminsando dia 26, 27, 28 di mei 2020. Pa traha un cita mester yama na telefoon 5224310 durante ora di oficina.

  • Pago di servicionan; mester wordo haci electronico via ATM.

Departamento di Salud Publico ta haci apelacion na esnan cu ta bin busca servicio na nos localidadnan pa atene nan mes na tur regla stipula. Lo no duna servicio na ningun persona malo cu sintoma di Covid-19 y es cu no atene su mes na regla lo wordo pidi pa bandona e localidad. E medidad introduci ta pa proteha salud di comunidad y di nos trahadornan y pa nos stop e transmision di e virus.




Si un hende of bo persona ta sinti malo, NO sali for di cas.

Pero yama bo dokter di cas pa haci un test.