Decisionnan di Gobierno relaciona cu reapertura di Frontera.


Oranjestad, ARUBA - 10 di juni 2020

Despues di deliberacionan intenso y extenso hiba entre Gobierno y tur instancia concerni cu salud y turismo, a tuma e decision pa habri frontera di Aruba den forma gradual. Hunto cu e decisionan cu a jega na dje a prepara tur medida di control y seguridad necesario pa limita e riesgonan di Covid-19 mas cu ta posibel.

  • 15 di Juni, 2020; lo habri e “Bubble ABC” cual ta encera; Aruba, Boneiro y Corsow. Lo por biaha entre e islanan aki di Reino Hulandes den Caribe sin cu mester bay den cuarentena pero haciendo medische screening of test ora di jega.

  • 1 di Juli, 2020, lo habri frontera pa Europa, Canada y Caribe cu excepcion di Republica Domincana y Haiti.

  • 10 di Juli, 2020 ta habri pa henter Merca.

Por lo pronto no tin fecha pa habri pa Centro America, Sur America, Republica Domicana, Haiti y Mexico. Tur pasahero y recidente cu lo jega Aruba procedente di e paisnan acorda cu lo habri frontera pa nan lo wordo getest na Aeropuerto di Aruba cu excepcion di esnan cu escoge e incentivo cu Aruba ta brinda pa haci test den exterior, for di caminda nan ta inicia nan biahe. Tur turista y recidente cu test na Aruba lo tin cu keda pendiente 24 ora pa haya su resultado. Esnan cu test positivo, pues tin sintoma lo tin cu bay den isolacion na un sitio special pa esaki, recidente positivo lo tin cu bay den isolacion na su cas. Esnan cu ta compaña e turista cu a test positivo lo tin cu bay den cuarentena. Aruba tin un seguro special pa e turista cubri su gastonan.

Cu e desicionan tuma aki Aruba lo cuminsa ricibi alrededor di 2000 turista pa siman y gradualmente esaki lo subi.


Si un hende of bo persona ta sinti malo, NO sali for di cas.

Pero yama bo dokter di cas pa haci un test.