Crisis Team ta informa riba algun cambio cu ta drenta na vigor entrante awe


ORANJESTAD- 05 februari 2021: Despues di basta deliberacion entre e diferente 'stakeholdernan' cu ta forma parti di e Team di maneho di Crisis, a yega na e desicion pa flexibilisa un poco algun di e medidanan di proteccion. E pandemia di COVID-19 no solamente a ocaciona un crisis di salud fisico, pero tambe crisis den salud mental, crisis economico, crisis di seguridad y mas, pa cual motibo na tur momento ta purba busca un balans entre e diferente sectornan den crisis. E medidanan cu ta conose cambio ta:

  • ︎TDQ- entrante awe nochi Toque de Queda ta cuminsa pa 12:00 di marduga y ta caba 5:00 di mainta.

  • ︎Na restaurant por tin 4 hende na mesa paden y 6 hende pafo.

  • ︎Samenscholingsverbod, ta amplia di max 2 pa max 4 persona

  • ︎Orario di ciere ta bira 11:00 pm entrante awe


Loke no tin cambio ta "gebiedsverbod" riba parkeerplaats y beach entrante 7:00 PM. E medida aki ta keda vigente.


Nos ta recorda tur hende pa sigui tene distancia fisico di 1.5 meter, bisti tapaboca ora no por cumpli cu distancia di 1.5 meter y den interior di tur localidad y husa handsanitizer of laba man cu regularidad.