Crisis Team: Cambionan den Maneho di e Pandemia Covid-AMBIONAN DEN MANEHO DI E PANDEMIA DI COVID-19.


Oranjestad- 22 januari 2022


Entrante dialuna dia 24 di januari 2022, Crisis Team ta introduci e siguiente cambionan den maneho di e Pandemia di COVID-19.






1. PUBLICO NA EVENTO DEPORTIVO.

Na eventonan deportivo paden maximo 90 expectador y na eventonan deportivo den aire liber maximo 150 expectador por ta presente. Tur medida di hygiene y distanciamento social ta keda na vigor y lo tin control di Taskforce. Den caso di inclumplimiento lo por para e actividad.


2. CAMBIO DEN MANEHO DI CUARENTENA.

Es cu ta vacuna cu e “Serie Basico” no mester bay den cuarentena mas. Cu Serie Basico ta referi na ciudadano entre 12 cu 17 aña cu a ricibi 2 dosis di vacuna di Pfizer y pa ciudadanonan di 18 aña of mas cu a ricibi 3 dosis di vacuna Pfizer. Pa esnan cu a vacuna cu Johnson & Johnson esaki nifica 2 vacuna di J&J of tambe por 1 vacuna di J&J y 1 Pfizer.

Esnan cu tampoco mester bay den cuarentena ta esnan cu a caba di recupera di un infeccion cu COVID no mas cu 4 siman atras y tin un 'Recovery Letter' di esaki.


3. CAMBIO NA FRONTERA PA RESIDENTE.

Residentenan vacuna cu e Serie Basico no mester test mas na momento di drenta Aruba, pero mester entrega nan prueba di vacunacion of un 'Recovery Letter' no mas bieu cu 3 luna. Cu Serie Basico ta referi na ciudadano entre 12 cu 17 aña; 2 dosis di vacuna di Pfizer y pa e ciudadano di 18 aña of mas; 3 dosis di vacuna di Pfizer. Pa es cu a vacuna cu Johnson & Johnson esaki nifica; 2 vacuna di J&J of tambe por 1 J&J y 1 Pfizer.