Crisis Team: 47 Caso di Variante (UK), 8 Caso di (MEX) y 2 Caso di (S. AFRICA).

CRISIS TEAM: 47 CASO MAS DI E VARIANTE DI REINO UNI, 8 DI MEXICO Y 2 DI SUR AFRICA A KEDA IDENTIFICA.

Oranjestad - 16 di Maart 2021

Crisis Team ta informa nos comunidad cu RIVM na Hulanda a identifica 47 caso mas di e variante di Reino Uni na Aruba. Manera ta conoci testnan positivo di Aruba ta wordo manda tur siman Hulanda pa wordo analisa. Recientemente un cantidad di 105 test a wordo manda y for di e lotenan aki a identifica 47 caso mas di e variante di Reino Uni. Tambe a identifica e prome 2 casonan di e variante di Sur Africa. Pues na Aruba un total di 97 caso di e variante di Reino Uni a keda identifica, 2 di Sur Africa, 8 Mexicano, 3 di California y 1 caso di e variante di Brazil. Un mensahe ta bay na comunidad pa sea extra cauteloso y sigi cumpli firmemente cu e reglanan di distanciamente social, uza Tapaboca y laba man frecuentemente. E variantenan aki ta mas agresivo y ta acelera e proceso di infeccion cu por causa problemanan serio di salud y compromete e capacidad di cuido na Hospital. Na momento cu bo sinti cu bo tin symptoma, no keda cana rond, bay haci test y isola bo mes pa no sigui plama e virus.