Cantidad di casonan positivo pa siman na Aeropuerto ta menos cu a premira, apesar di registra 2 awe.



ORANJESTAD, Aruba- 20 juli 2020


Cantidad di casonan positivo pa siman na Aeropuerto ta menos cu a premira, apesar apesar cu awe ta registra 2 caso mas.


Crisis Team y Gobierno ta tuma nota cu tin algun cuidadanonan ta expresa nan precupacion pa cu casonan nobo cu ta keda registra na nos Aeropuerto di cual uno ta residente y e otro un turista.


Sinembargo esaki no ta un sorpresa pa Gobierno ni tampoco Crisis Team, nos expertonan local ta monitor e situacion tur dia y nota asina cu e cantidad ta mas cu e premira. Durante cu nos frontera tawata sera a traha duro na educa nos comunidad riba con mester proteha nan mes y a traha riba structura y maneho nobo pa por preveni cu e virus di sigui plama.


Ta urgi comunidad pa sigui eherce e medidanan di hygiena y prevencion unda cu bo por ta, e Crisis Team ta sigui cu su maneho pa mantene nos pais mas sigur cu ta posibel. Entrante diaranzon lo haci un adaptacion na e tabel di “Ultimo informacion” riba e website www.arubacovid19.org pa na un manera facil tur informacion relevante ta disponibel.

Si un hende of bo persona ta sinti malo, NO sali for di cas.

Pero yama bo dokter di cas pa haci un test.