Cambionan implementa pa Gobierno relaciona cu weekend di Pasco Grandi.


ORANJESTAD, Aruba - 8 di april 2020

DEN FIN DI SIMAN DI PASCO GRANDI KEDA BO CAS

Considerando proteccion di comunidad durante e fin di siman di Pasco Grandi, Gobierno di Aruba a tuma e siguiente desicionnan. Tur supermercado, tiendanan di hardware y otro negoshinan lo ta sera riba e dianan; diabierna 10, diadomingo 12 y dialuna 13 di april, cu excepcion di Botica, Pomp di Gasoline cu lo por ta habri di 7or am pa 7or pm y restaurant cu tin delivery, take away of drive-thru cu por duna servicio for di 11:00 am te cu 7:00 pm. Samenscholingsverbod a ser limita na maximo 3 persona sin ningun exepcion. Comunidad por bay lama solamente pa ehericio. Shelter in Place y toque de queda ta keda vigente. Shelter in place ta di 6:00 am te cu 9:00 pm y toque de queda di 9:00 pm pa 6:00 am. Gobierno ta spera cu nos comunidad tin comprencion pa e medidanan tuma y cu un y tur sa di respeta e desicionnan aki, cual meta ta pa preveni cu e virus di Covid 19 ta plama rapidamente den nos comunidad.


Si un hende of bo persona ta sinti malo, NO sali for di cas.

Pero yama bo dokter di cas pa haci un test.