Awe no por duna update di cifra di covid-19 dor di problema tecnico


ORANJESTAD ARUBA, 19 september 2020: LabHOH actualmente ta confrontando algun problema tecnico pa loke ta manda resultadonan di testnan di covid19 pa DVG. Actualmente ta trahando duro pa drecha e problema tecnico aki, pues ta haci imposibel pa DVG suministra cifra di covid-19 riba dia di awe.


Cifranan pa loke ta admission di pashentnan cu covid-19 den Hospital awe ta 41 persona riba departamento di covid-19 y 8 pashent den Cuido Intensivo. Entre ayera cu awe 3 pashent a bay cas di departamento di covid-19 y 9 pashent nobo a ser admiti y pa loke ta Cuido Intensivo 4 pashent a sali di ICU y 1 pashent nobo a ser admiti den ICU.


Nos ta spera di por informa comunidad mayan diadomingo riba e cifranan di diasabra 19 y diadomingo 20 di september.


Nos ta gradici boso pa tur e comprension pa e situacion actual cu LabHOH ta confrontando.

Si un hende of bo persona ta sinti malo, NO sali for di cas.

Pero yama bo dokter di cas pa haci un test.