Awe a toca turno na dokternan di cas pa vacuna.

Campaña National di Vacunacion contra COVID-19 ta sigui.


ORANJESTAD- 20 februari 2021


For di dia 18 di februari 2021 cu a inicia e campaña di vacunacion contra COVID-19 a nota cu e interes den comunidad ta creciendo y cu hopi optimismo. Esnan cu tawata tin duda of miedo ta asercando nan dokter of specialista pa e miho conseho.


Manera acorda den e plan di vacunacion esnan cu prome lo wordo vacuna ta esnan laborando den cuido y awe ta toca turno na practicanan di dokter di cas. Awe dokternan di cas cu nan asistentnan y POH por a tuma nan vacuna durante henter dia.







Por bisa cu un cantidad grandi di dokternan di cas y nan personal a haci uzo di e oportunidad brinda pa por proteha nan salud pero primordialmente e salud di nan pashentnan. Pa mas informacion pa e schedule di e Campaña di vacunacion y tambe informacion con pa registra bishita e website www.arubacovid19.org.

official-white.png
DVG-Logo-stroke.png

Si un hende of bo persona ta sinti malo, NO sali for di cas.

Pero yama bo dokter di cas pa haci un test.

logo-gob-dvg.png