Aruba a conoce su prome fayecido di Covid-19.


ORANJESTAD, Aruba - 15 di april 2020

Awe den oranan di marduga un patient di Covid-19 interna den Hospital lamentablemente a fayese. E patient tabata tin 79 aña. Contacto ta wordo tuma awor cu famia. Mas informacion no tin na e momento aki. Mas informacion lo por wordo duna den e conferencia di prensa di Gobierno di 2or di merdia. Gobierno di Aruba a y ta hasiendo tur lo posible pa evita cu patientnan di Covid-19 fayece, sinembargo no por a evita esaki. Gobierno kier enfatisa un biaha mas con importante e ta pa tur hende tene nan mes na e instruccionnan di keda paden, y di laba man y mantene distancia di otro. Gobierno di Aruba ta extende palabra di condolencia y forsa na famianan di e fayecido.



Si un hende of bo persona ta sinti malo, NO sali for di cas.

Pero yama bo dokter di cas pa haci un test.