ORANJESTAD-26 december 2021. Pa medio di e comunicado aki DVG ta informa cu Centro Libertador Betico Croes lo sigui ta habri riba 27, 28, 29 y 30 di december pa brinda e posibilidad pa comunidad por 'walk in' y busca nan vacuna for di 8or di mainta pa 3or di atardi 'non stop'.
𝘼𝙏𝙀𝙉𝘾𝙄𝙊𝙉; 𝘕𝘢 𝘦𝘴 𝘤𝘶 𝘵𝘢 𝘣𝘪𝘣𝘢 𝘤𝘶 𝘶𝘯 𝘤𝘢𝘴𝘰 𝘱𝘰𝘴𝘪𝘵𝘪𝘷𝘰, 𝘦𝘴 𝘤𝘶 𝘵𝘢 𝘥𝘦𝘯 𝘤𝘶𝘢𝘳𝘦𝘯𝘵𝘦𝘯𝘢 𝘰𝘧 𝘪𝘴𝘰𝘭𝘢𝘤𝘪𝘰𝘯, 𝘦𝘴 𝘤𝘶 𝘵𝘪𝘯 𝘴𝘪𝘯𝘵𝘰𝘮𝘢 𝘥𝘪 𝘊𝘖𝘝𝘐𝘋 𝘰𝘧 𝘦𝘴 𝘤𝘶 𝘢 𝘵𝘦𝘴𝘵 𝘺 𝘵𝘢 𝘸𝘢𝘳𝘥𝘢𝘯𝘥𝘰 𝘳𝘦𝘴𝘶𝘭𝘵𝘢𝘥𝘰. 𝘉𝘰 𝘱𝘦𝘳𝘴𝘰𝘯𝘢 𝘵𝘢 𝘸𝘰𝘳𝘥𝘰 𝘱𝘪𝘥𝘪 𝘱𝘢 𝘕𝘖 𝘣𝘪𝘯 𝘷𝘢𝘤𝘶𝘯𝘢 𝘵𝘢𝘯𝘵𝘦𝘯 𝘤𝘶 𝘣𝘰 𝘳𝘦𝘴𝘶𝘭𝘵𝘢𝘥𝘰 𝘥𝘪 𝘵𝘦𝘴𝘵 𝘵𝘢 𝘤𝘰𝘯𝘰𝘤𝘪 𝘰𝘧 𝘵𝘢𝘯𝘵𝘦𝘯 𝘤𝘶 𝘣𝘰 𝘵𝘢 𝘥𝘦𝘯 𝘤𝘶𝘢𝘳𝘦𝘯𝘵𝘦𝘯𝘢 𝘰𝘧 𝘪𝘴𝘰𝘭𝘢𝘤𝘪𝘰𝘯.
𝐑𝐞𝐤𝐢𝐬𝐢𝐭𝐨 𝐩𝐚 𝐩𝐨𝐫 𝐯𝐚𝐜𝐮𝐧𝐚
- Prome dosis; Pa ricibi prome dosis mester tin minimo 12 aña y mester presenta cu AZV. Muchanan menor di edad mester bin acompaña pa un mayor. E persona cu no tin AZV pero ta biba na Aruba, e persona mester prueba cu eta biba na Aruba pa un periodo caba. Es cu tin paspoort Hulandes mester prueba cu e ta biba na Aruba pa mas cu 1 luna y es cu no tin paspoort Hulandes mester prueba cu e ta biba na Aruba pa mas cu 2 luna. Studiantenan Arubiano bibando den exterior por vacuna unabes cu nan ta na Aruba si nan por prueba cu nan ta studiando den exterior.
- Di dos dosis; Pa ricibi di dos dosis e persona mester a ricibi su prome dosis mas cu 3 siman atras. E persona mester presenta cu su prueba di vacunacion anterior y su AZV.
- 'Booster shot': Pa ricibi e 'booster shot' e persona mester tin minimo 50 aña. Pa busca e booster shot ta nesesario cu e persona a ricibi su di dos dosis di vacuna mas cu 6 luna tras. Es cu despues di a ricibi su di dos vacuna a test positivo pa COVID e personanan aki mester warda 6 luna despues di a test positivo pa busca su 'boostershot'.
Pa locual ta planificacion ta importante pa informa cu prome y di dos vacuna lo wordo suministra den e Unidad Mobil di Rampen Bureau cu ta un tracker largo preto cu lo ta staciona parti pafo di Centro Libertador Betico Croes. Unicamente 'boostershot' lo wordo suministra paden di Centro Libertador.
Pa mas informacion bishita nos facebook page Directie Volksgezondheid DVG Aruba of yama nos na 5224200 of 2800101