Preguntanan Frecuente

1. Kico ta e sintomanan y complicacionnan cu COVID-19 por causa?


Esaki ta varia di sintomanan leve te cu complicacionnan severo cu por causa morto. E siguiente sintomanan por aparece entre 2-14 dia despues di wordo exponi na e virus: keintura, tos, rosea cortico of dolor di garganta.
Por wak un video cu Dr. Wilmer Salazar akinan.




2. Ki ora mi por bai test?


Pa test, bo mester cumpli cu varios criterio. Si bo persona tin un di e sintomanan di coronavirus, yama e Call Center na 2800101 y e profesionalnan lo informa bo persona si bo ta bin na remarke pa bay test. Si esaki ta e caso, bo lo ricibi instruccion pa bai test. Si bo no wordo manda pa test, esaki kiermen cu bo no ta cumpli cu e criterio stipula pa test.




3. Pakico mi no por test preventivo?


Esaki no ta efectivo pasobra e test ta duna informacion di un momento specifico so y tambe e posibilidad cu un persona cu no tin sintoma lo sali positivo ta hopi chikito. Sinembargo, tin un capacidad limita pa haci test. Solamente personanan cu tin cierto sintomanan y cu ta cumpli cu cierto criterio por haci test. Tin suficiente test disponibel pa esnan cu ta cumpli cu esaki.




4. Kico ta e criterio pa test?


E criterio pa test ta cambia a base di e desaroyo di e virus. Actualmente, pa test, un persona mester cumpli cu e siguiente criterio:
Un pashent cu problema respiratorio (tosamento, rosea cortico of dolor di garganta)
Y un of mas di e siguiente tres (3) criterianan:

  1. un historia di biahe den e ultimo 14 dianan (prome cu comienso di e sintomanan)
  2. OF un persona cu tabata den contacto directo cu un caso positivo den e ultimo 14 dianan (prome cu comienso di e sintomanan)
  3. OF un persona cu tabata den contacto frecuente y estrecho (denter di 1 meter) cu un persona cu un historia di biahe den e ultimo 14 dianan (prome cu comienso di e sintomanan)




5. Ta posibel pa un persona test negativo y despues test positivo pa COVID-19?


Un resultado negativo kiermen cu e virus cu ta causa COVID-19 no a wordo encontra den e muestra di e persona. Den un etapa hopi trempan di infeccion, ta posibel cu e virus no lo wordo detecta. Den caso di COVID-19, un resultado negativo serca un persona cu sintoma probablemente ta indica cu no ta COVID-19 ta causando e sintomanan.




6. Ki ora mi mester bai den cuarentena?


Bo mester bay den cuarentena si bo a bin bek for di exterior recientemente, of si bo a wordo instrui pa hasi esaki door di Departamento di Salud Publico (DVG). Bo lo wordo instrui pa bai den cuarentena na momento cu bo a bin den contacto cu un persona cu a test positivo pa COVID-19.




7. Con largo mi mester keda cas si mi tin sintomanan similar na COVID-19?


Si bo ta biba bo so y bo tin sintomanan leve di COVID-19, keda cas pa 7 dia despues cu bo sintomanan a cuminsa. Si bo ta biba cu otro hende y bo ta e prome cu a haya sintoma, esnan cu ta biba cubo y no tin sintoma mester keda cas pa 14 dia cuminsando for di e prome dia cu bo a haya sintoma.




8. Mi mag di traha si mi tin poco tosamento?


Si bo ta sinti malo, keda cas. Si bo a biaha for di exterior durante e ultimo 14 dianan, tabatin contacto cu un persona cu a test positivo pa COVID-19 durante e ultimo 14 dianan of tabata tin contacto cu un persona cu a bin for di exterior durante e ultimo 14 dianan, keda cas y yama e Call Center (2800101). Si e criterio menciona anteriormente no ta aplicabel pabo, bo por bai traha. Sinembargo, tuma e medidanan preventivo y higienico.




9. Mi ta un residente di Aruba y mi a caba di bin bek for di exterior, kico mi mester haci?


Bo persona ta obliga pa bay den cuarentena na cas pa 14 dia. Si bo desaroya sintomanan di coronavirus, yama e Call Center na 2800101.




10. Si mi a wordo manda cas (den cuarentena) paso mi a bin for di exterior, mi dunador di trabou por kita esaki for di mi dianan di vakantie?


No, esaki no mag. Si bo a wordo manda cas den cuarentena door di Departamento di Salud Publico (DVG) of ora di jega for di exterior, SvB ta cubri bo dianan di ausencia comosifuera bo ta AO.




11. Mi mag di bai lama, cana pafo den naturalesa y bai eventonan social?


Mantene social distancing. Como individuo, bo por reduci bo riesgo di infeccion door di reduci contacto cu otro hende. Evita lugarnan publico y encuentronan social innecesario, specialmente eventonan cu un gran cantidad di hende. Si bo ta bo so, bo por bai lama of cana pafo den naturalesa.




12. Lo tin consecuencia pa esnan cu no obedece e ordenasa pa bay den cuarentena of isolacion?


E consecuencianan di esaki por ta catastrofico pa Aruba pasobra esnan cu no sigi e ordo lo por bira un fuente di contaminacion pa otronan. E ta e deber civico di cada cuidadano pa respeta y cumpli cu e ordenansanan aki.




13. Cual ta e gruponan di riesgo pa complicacion causa door di COVID-19?


Nos grandinan y personanan cu condicionnan medico (malesa cardiovascular, diabetes, malesa di pulmon, HIV). Pa es motibo, nan ta wordo conseha pa bay den cuarentena como medida preventivo.




14. Kico ta e riesgo pa muhernan na estado?


Actualmente, no ta conoci si esnan na estado tin mas riesgo pa bira malo of haya complicacionnan como resultado di COVID-19. Esnan na estado ta experiencia cambionan na nan curpa cu por aumenta e riesgo di algun infeccion. Cu otro infeccionan similar na COVID-19 y otro infeccionnan respiratorio, manera influenza, muhernan na estado tin un riesgo mas halto pa desaroya malesanan severo. Ta importante pa muhernan na estado semper proteha nan mes di malesa.




15. Mi no tabata den contacto directo cu un persona cu a test positivo pa COVID-19, pero si cu un persona cu tabata tin contacto cu un persona cu a test positivo pa COVID-19, mi tambe mester test of bai den cuarentena?


Mirando cu nan no ta wordo considera como un contacto cercano di esun cu a test positivo pa COVID-19, nan no ta wordo manda den cuarentena obligatiorio. Sinembargo, nan por dicidi di bai den cuarententa como medido preventivo.




FAQ Languages Here:





16. Mi ta biba den cas cu un persona cu a wordo manda den cuarentena, mi por sali for di cas?


Bo por sali for di cas si bo(so) ta mantene boso mes na e siguiente reglanan:

  1. Drumi den camber separa
  2. Usa areanan separa. Si boso ta comparti cierto espacionan hunto, hasi esaki limpi regularmente
  3. Mantene "Social Distancing" cu un minimo di 2 meter distancia for di otro na tur momento
  4. Tene bo cas habri lo mas posibel





Si un hende of bo persona ta sinti malo, NO sali for di cas.

Pero yama bo dokter di cas pa haci un test.