banner.jpg

Oficina di Turismo di Aruba (A.T.A.) den colaboracion cu Departamento di Salud Publico (DVG), Ministerio di Salubridad y socionan clave den e industria turistico ta presenta e ‘Aruba Health & Happiness Code’. E meta tras di e programa aki ta pa sigura cu protocolnan di higiena y salud ta na un nivel cu nos bishitantenan ta spera ora di bishita un destinacion turistico manera Aruba. Como parti di e preparacionnan pa cu e reapertura di nos fronteranan, Aruba mester evoluciona como destino turistico pa asina por ta miho prepara pa sigui sirbi e bishitantenan como tambe e comunidad di Aruba. Pa e motibo aki, e Aruba Health & Happiness Code a wordo crea. E protocol y medidanan inclui den e programa di Aruba Health & Happiness Code ta tene den consideracion e diferente proveedornan cu cual bishitantenan lo por tin contacto cu ne durante nan bishita. Esaki a wordo haci door di cubri tur punto di contacto den e cadena di suministro.

Aruba Health & Happiness Code ta consisti di dos fase;

1. Tur compania mester registra y finalisa e checklist sinceramente y completo cu ta basa riba e medidanan di D.V.G. prome cu dia 31 di mei 2020. E checklist lo wordo revisa y si a haci esaki satisfactoriamente A.T.A. lo contact bo pa pasa busca bo seyo di pre-check

2. Despues cu e registracion y e checklist wordo completa y verifica, Departamento di Inspeccion y Higiena lo haci un bishita na e compania pa asina conduci un inspeccion na e sitio di operacion. Na momento cu esaki termina satisfactoriamente, lo conduci na bo compania ricibiendo e seyo final, color oro, cual ta indica cu e proceso ta completa den bon forma

Aplicacion pa Aruba Health & Happiness Code ta facil;

Step 1: Escoge e icono cu ta relevante pa bo compania. Si bo tin mas cu un compania, bo lo mester ripiti e proceso aki pa cada compania

Step 2: Bo lo wordo re-dirigi na e pagina di registracion y checklist di Aruba Health & Happiness Code, pa bo compania specifico, cual bo mester yena sinceramente y completo prome cu dia 31 di mei

Step 3: Un checklist satisfactorio lo ricibi un seyo di pre-check 

Step 4: Por spera un bishita di DWH na bo localidad. A base di un resultado positivo lo ricibi e seyo maximo di e Aruba Health & Happiness Code den un forma di un seyo di oro

Tuma accion awo y completa bo registracion y checklist sinceramente y completo.
Click akibou ariba e icono corecto

If you still want to register please contact

healthcode@aruba.com

A.T.A. conhuntamente cu D.V.G. y Ministerio di Salubridad kier haci uzo di e oportunidad aki pa pidi tur compania pa yena e registracion aki mas lihe cu ta posibel (prome cu dia 31 di mei) y di e forma aki contribui na haci nos isla uno higienico pa e comunidad local como tambe e bishitantenan di nos isla. Pa mas informacion of pregunta por manda un email na healthcode@aruba.com of tuma contacto di dialuna pa diabierna di 8:00 AM pa 5:00 PM na 561-7120, 561-8034 y
561-7479.

Si un hende of bo persona ta sinti malo, NO sali for di cas.

Pero yama bo dokter di cas pa haci un test.